नवी दिल्ली : कवयित्री अनुराधा पाटील यांच्या ‘कदाचित अजूनही’ या काव्यसंग्रहाला साहित्य अकादमी पुरस्कार जाहीर झाला आहे.
साहित्य अकादमीच्या वतीने बुधवारी, १८ डिसेंबर रोजी नवी दिल्ली येथे देशातल्या २३ प्रादेशिक भाषांमधील विविध साहित्य प्रकारांत सर्वोत्कृष्ट साहित्यकृती आणि लेखकांच्या नावांची घोषणा करण्यात आली. २५ फेब्रुवारी २०२० रोजी पुरस्कार वितरण होणार असून, एक लाख रुपये, ताम्रपट असे या पुरस्काराचे स्वरूप आहे.
कवयित्री अनुराधा पाटील गेली ४० वर्षे काव्यलेखन करत असून, ‘कदाचित अजूनही’ या काव्यसंग्रहातून त्या माणसातल्या चांगुलपणाला आवाहन करतात.
